How to Teach English from Hindi to Beginners

Beginners ko English sikhaana kaafi challenging job hota hai. Bhale ki apke paas achha khaasa experience ho, aap qualified ho, lekin jab baat beginners ko english sikhaane ki aati hai, toh task bahut difficult ho jata hai. Aksar beginners iss notion ke saath aate hain ki vo english nahi seekh sakte hain. Ese mein beginners ko ye convince karna ki vo english seekh sakte hain, unke waqt waqt par motivate karna ki vo ye kar sakte hain is a very difficult job. Iss article mein humne vo saari tricks and tips cover kiye hain jinki help se aap beginners ko english sikhaa sakte hain. Iske saath saath iss article mein humne one month action plan bhi share kiya hai jiski help se aap students ko english aasani se sikha sakte hain. Iss article mein kuchh activities bhi cover ki gayi hain jo apke teaching ko aur bhi fun and interesting bana dega.

Start with the Basics

Kisi bhi beginner ko English sikhane ke liye sabse pehle important hai ek foundation taiyaar karna, unka ek base banana. Isliye to teach english to beginners, sabse pehle basics se shuruaat karein. Basics se shuru karne ka sabse achha tarika hai alphabets aur numbers padhaana. As a beginner agar koi english seekhna chahta hai, tou sabse pehle usai english alphabets aana bahut jyada zaroori hai, kyunki bina alphabets ke words nahi ban sakte. Alphabets ke saath saath basic cheezon ke baare mein batana bhi jaruri hai, jaise english mein numerals like one, two, three, four, etc., and animals name, birds name, fruits name, etc. Inn sab cheezon ko padhaane se students ka ek foundation taiyaar hoga, jisse vo aage aane wali cheezon ko behtar tareeke se samajh payenge. Initial level par alphabets se start karna jyada easy hai for the teacher as well as the students kyunki alphabets ko samajhna aur yaad karna easy hai.

Pronunciation is Important

Beginners ko english sikhaane ke liye sabse important cheez hai unhe pronunciations sikhaana. For a beginner jiski native language English nahi hai, uske liye english mein alphabets and words pronounce karna thoda tricky ho sakta hai. Ese mein teacher ki ye responsibility hai ki vo students ko alphabets ke, different alphabets ke combinations ke like th, gh, etc., words ke correction pronunciation ke baare mein samjhaye. Agar aap english seekhna chahte hain, aur usme fluent hona chahte hain tou words ko correctly pronounce karna bahut important ho jaata hai, otherwise english seekhne ka koi use nahi hai. Beginners ko english sikhaate waqt, ye dhyaan rakhein ki aap har ek alphabet, uske combination, alag alag word ka correct pronunciation unhe sikhao with clarity. Initially aap jaise pronunciation unhe sikhayenge vo unhe permanently yaad reh jayega, isliye pronunciation sikhaate waqt aap ka loud and clear rehna bahut important hai. Secondly, kayi words mein kuchh letter silent hote hain like, b in thumb and dumb; d in bridge, edge; k in know, knee; etc., inn words ke pronunciation par thoda jyada emphasis dena hai, kyunki beginners ke liye ese words ko wrong pronounce karne ke kaafi jyada chances hai. Thirdly, har word ko pronounce karne ke liye ek particular lip and tongue movement important hota hai, isliye english sikhaate waqt, ye sikhana important hai ki ek word ko pronounce karne mein apke lips aur tongue movement kaise rahenge.

Teach Fundamentals

Ek baar jab aap beginner students ka foundation taiyaar kar dete hain, toh aage ka rasta thoda easy ho jata hai. Foundation ke baad aata hai grammar ke kuchh fundamental concepts ko samajhna jiske bina english seekhna impossible hai. Kyunki fundamental concepts throughout the journey students ke kaam aane wale hain, isliye inn concepts ko dhyaan se padhaana aur samjhaana zaroori hai. Students ko eight different parts of speeches ke baare mein padhaana important hai. Sabse pehle nouns se start karein, beginner students ko noun ke baare mein padhayein. Ek baar student ko noun ke samajh aa jaye, tab aage different pronouns ke baare mein padhayein. Dheere dheere students ko verbs, adjectives, adverbs, etc., jaise concepts ke baare mein samjhayein jin se unke fundamental concepts clear ho. Bina inn fundamental concepts ko samjhe, beginners ke liye english seekh paana next to impossible task hai, kyunki ye 8 parts of speeches sentences formation ka ek important hissa hai. Agar aap inn 8 parts of speeches ko students ko sahi se nahi padhaate hain, toh baat jab sentence formation ki aayegi tou students ko kaafi dikkat ho sakti hai.

How to Form Sentences

Ek baar jab aap beginner ko 8 parts ko speeches ke baare mein achhe se samjha dein, tab aap aage sentence formation ki taraf move karein. Fundamental concepts seekhne ke baad unke liye sentence formation seekhna easy ho jayega. Basic sentence formation se start karein ki sentence formation mein you need subject and predicate. Subject and predicate ke baare mein unhe padhayein, inke different parts ke baare mein samjhaaye. Beginners ko ye explain karna zaroori hai ki inn subject aur predicate ko sentence formation mein kaise use karna hai, aur kaise nouns, pronouns, verbs, adjectives, adverbs, etc., sab sentence formation ka part hote hain. Sentence formation ke basic concepts clear karne ke baad, students ko inn concepts ko practice karne ko kahein. Students ko daily 20 different sentences form karne ke task dein, jisse unhe sentence formation ke concepts clear ho aur unki english bolne aur seekhne ki practice badhe.

Explain Tenses and Articles

Sentence formation ke baad mein baari aati hai unn sentences ko unke time frame ke basis p bolne ki. Koi bhi event kis time mein hua hai uss basis par sentence form karne ke liye tenses ki knowledge hona zaroori hai. Isliye jab students sentence formation ke concepts ko achhe se seekh jayein tab unhe tenses ke baare mein padhayein like three different types of tenses, har ek ke four subtypes. Har ek tense ka apna ek sentence structure hota hai jiske baare mein padhna bahut important hota hai. Isliye tenses padhaate waqt beginners ko uss tense ke saath uska sentence structure bhi padhayein jisse vo tenses ke according sentences form karte waqt confuse na ho. Next aate hain articles, yaani ‘a’, ‘an’, and ‘the’ jo english grammar mein equally important hai. Lekin article padhaate waqt inke uses ko correctly batana bhi utna hi jyada important hai, kyunki har ek article ka apna ek particular use hai, jaise ‘a’ or ‘an’ singular object ke saath use hote hain, aur ‘the’ ka use plural objects ke saath hota hai. Isliye different articles ke different uses ko correctly bifurcate karke unhe explain karna is very important.

Tenses

Articles

Teach Common Phrases

English grammar ke basic concepts ko khatam karne ke baad, beginner ko english sikhane ka next step hai unhe kuch daily use ke common phrases sikhana, jinhe vo apni daily life conversations mein include kar sakein. Humari routine life mein hum bahut saari baatein bolte hain, do humare daily conversations ka part hoti hai. Iss daily conversations mein kayi ese common phrases hain jinka use hum regular basis par karte hain. As a next step, students ko commonly used phrases sikhane chahiye jinka use vo apni daily life ke conversations mein kar sakein, like please give me a glass of water, sorry, thank you, where are you going, what are you eating etc. Beginners ko english aasani se sikhaane ke liye ye common phrases sikhana aur unki practice karana is way more important. Students ko daily 20-30 common sentences sikhaye unke hindi translation ke saath, jisse unhe sentences ke meanings ko samajhne mein problem nahi hogi. Ek baar beginners inn commonly used daily sentences ko sekhna shuru kar dete hain, toh the battle is half won. Unke liye aage ka process aur bhi smooth ho jaata hai, kyunki vo casual conversations mein fluent hone lagte hai.

Common phrases for daily use

Use Creative Methods

Ye ek understood fact hai ki beginners ko english sikhana is a difficult job. Isliye uss teaching ke process ko interesting banane ke liye aap different different tareekon ka use kar sakte hain, jisse teaching process smooth and easy ban sakta hai. English sikhaate waqt flashcards ka use karna will be very helpful kyunki kuchh bhi naya seekhne ke liye sunne se jyada visualization practice help karti hai. Flash cards ki help se students ke mind mein ek image ban jaati hai, aur vo cheezon ko aur bhi behtar tareeke se samjh paate hain. Secondly, students ko daily practice ke liye kuchh homework bhi dete rahein, jisse unki practice bani rahe. Thirdly students ke speaking skills ko enhance karne ke liye roz ek speaking session rakh sakte hain jisse students ke speaking skills ko monitor kiya jaa sake. English sikhane ke liye aap apne class mein kuchh fun activities bhi kara sakte hain jisse students learning process ko enjoy kar sakein. Creative methods use karne se students bhi learning process ko enjoy karte hain, aur as teachers apke liye padhaana ek fun activity ban jayega.

Create Environment for Learning

Kisi bhi cheez ko sikhaane ke liye ek sahi environment ka hona bahut zaruri hai. Beginners ko english sikhate waqt ek learning environment create karne ki jarurat hai jisse unki learning focused aur dedicated rahe. Ek learning environment create karne ke liye sabse important factor hai participation of teacher as well as student. Agar teacher ek class ko interactive banane mein successful rehta hai, toh students ke liye learning process aur bhi smooth ho jata hai. Isliye liye class ke beech beech mein interaction breaks bhi plan kiye ja sakte hain, jahan students and teachers aapas mein english mein interact karein. Iske do advantages hai, pehla ye short break teacher aur students ka mind fresh karne mein help karega, aur dusra interaction ki help se students ke andar english mein baat karne ka confidence bhi develop hoga. Ek behtar environment students ke andar confidence build karta hai, aur use further learning ke liye encourage bhi karta hai.

Encourage Them

Most of the beginners iss preconceived notion ke saath aate hain ki english seekhna unke bas ki baat nahi hai. Aise mein teacher ka role aur bhi jyada important ho jata hai, kyunki usai students ko convince karna hota hai ki vo kar sakte hain. Isliye teacher ko english sikhane ke dauran students ko beech beech mein encourage bhi karte rehna chahiye jisse unka morale down na ho. Initial stage mein demotivate hona ya discourage hona is quite often, isliye initial stage pat teacher ka students ke taraf sensitive rehna bahut important hai. Beginning mein students ko concept samajhne mein, cheezein yaad karne mein mushkil ho sakti hai. Isliye teachers ko iss baat ka khaas khayal rakhna chahiye ki students ko kuchh bhi samajhne mein ya yaad karne mein koi problem na ho. Secondly students ko encourage karein ki vo class mein ek dusre ke saath ya teacher ke saath interact karein, jisse jo vo seekh rahein hain uske practical implication bhi unhe samajh mein aayenge. Zaroori nahi hai ki starting mein vo correct english bolein, ho sakta hai kayi jagah vo galtiyan bhi karein, lekin process ko start karna zaruri hai. Iss process ko start karne ka matlab hai that the battle is half won.

Action Plan

Ooper article mein beginners ko english teach karne ke basic points ko tou dekh liya, ab baari aati hai ek action plan taiyaar karne ki jisse ooper kahi gayi baaton ko reality mein implement karna aur bhi easy ho jayega. Neeche ek action plan diya gaya hai jise different weeks mein divide kar diya gya hai.

Week 1: Beginning mein pace aur concept dono ko halka rakhna important hai kyunki initial stage par students ek blank copy ki tarah hote hain. Iss blank copy mein information ko bahut aaram aur dhyaan se fill karna imporant hai varna things will become hard. Article mein it is already mentioned ki starting mein ek base ya foundation banana zaruri hai, isliye week 1 ki shuruaat basic concepts se hogi.

Pehle week ka Day 1 and Day 2 alphabets sikhane mein aur numerals sikhane ke liye dedicated hoga. Isme students alphabets aur numerals ke baare mein seekhenge.
Day 3 and Day 4 mein fruits, flowers, animals, birds, week, and month names cover kiye jayenge. Inke liye flashcards ka use kar sakte hain, jisse cheezen sikhana aur bhi aasan ho jayega.
Day 5 and Day 6 ko commonly used words and their meanings mein cover kiya jaa sakta hai. Bahut se aise words hote hain jinka use hum apni daily life mein bahut jyada karte hain, like glass, water, towel, washroom, etc. Inn words ke baare mein janna bhi students ke liye equally important hai.
Day 7 ko ek activity day banaya jaya sakta hai, jisme inn 6 days mein jo bhi kuchh students ne seekha hai, unhe vo fun way mein practice and revise kar sakein.

Week 2: Pehle week mein basics cover karne ke baad ab next week mein students ko grammar ke baare mein sikhayein. Grammar is the fundamental rule for learning English, isliye iss fundamental rule ko sikhate time bahut hi patience ki zarurat hai. Students ko grammar ke concepts easily samajh aayein, uske liye yahan teachers ko double mehnat karne ki zarurat pad sakti hai.

Day 1 mein english grammar ka sabse important topic noun se start karein aur students ko noun ke baare mein samjhaye.
Day 2 noun ke baad pronouns aur uske types ke baare mein padhane ke liye dedicated hona chahiye.
Day 3 mein english grammar ke adjectives aur adverbs ko cover karein, jisse students ko aage sentence formation mein help mile.
Day 4 students ko verbs aur different types of verbs jaise helping verbs and modals ke baare mein padhayein.
Day 5 and 6 mein kyunki students basic cheezon ko already cover kar chukein hain, toh it is a good time to start with sentence formation. Iss time mein students ko different types ko sentences and unn sentences ko form karne ke tareeke par focus kar sakte hain.
Day 7 will be activity day, jahan poore hafte mein padhaye gaye concepts ko fun activity ke through practice aur revise kiya ja sake.

Week 3: Third week tak English grammar ke basic rules aur concepts cover ho chuke hain, isliye ab baari aati students ko tense ke concepts ko padhaane ki. Tenses aur articles se sentence ko correct structure dene mein help milti hai. Isliye third week should be purely dedicated to tenses and grammars.

Day 1 mein tenses ke baare mein aur present tense ke chaaro forms ke baare mein discuss karein. Students ko present tense ke chaaron types ke sentence structure ke baare mein bhi padhayen.
Day 2 mein students ko past tense aur unke types ke baare mein padhayein, aur iske saath saath uske different sentence structure ke baare mein bhi samjhayein.
Day 3 mein students ko future tense aur unke different types with sentence structure ke baare mein batayein jisse students ko kisi bhi concept ko samajhne mein dikkat na aaye.
Day 4 mein students ko articles ke concept ke baare mein samjhayein aur unke different uses ke baare mein bhi.
Day 5 and Day 6 mein active and passive voice ke baare mein padhaya jaa sakta hai, aur kisi bhi sentence ko active voice se passive voice mein kaise badle.
Day 7 again will be an activity day, jahan students poore hafte mein padhaye gaye concepts ko kisi fun activity ke through revise and practice kar sakein.

Week 4: Fourth week poori tarah se dedicated hai regular conversations mein use hone wale kuchh daily use sentences se jo aap 50 sentences ke set mein students ko daily sikha sakte hain. 50 sentences ke sets taiyaar karein aur students ko roj 50 sentences unke translation ke saath sikhaye.

Ye ek tentative action plan hai jise aap apne needs ke according modify kar sakte hain.

To-Do Activities with Students

As teachers agar aap sirf padhaate rahenge toh students apna interest bahut jaldi lose kar denge. Isliye it is important ki teaching as well as learning process ko thoda interesting banaya jaye. Neeche kuchh activities diye gaye hain jinki help se aap is process ko aur bhi jyada interesting bana sakte hain.

Flash and Identify- Ye activity aap apne students ke saath aksar khel sakte hain, jahan aap unke samne flashcards rakhein, aur students ko unn flashcards par bane image ko identify karne dein.
Describe Daily Routine- Ye bhi ek esi activity hai jise aap apne students ke saath daily practice kar sakte hai. Ek daily ritual ki tarah aap students se unke daily routine ke baare mein puchh sakte hain aur unhe uss routine ko english mein describe karne ke liye keh sakte hai.
Tell Something About Someone- Ye activity bhi aap apne students ke saath khel sakte hain jahan aap unhe ek dusre ke baare mein kuchh english mein batane ke liye keh sakte hain. Iss activity se log aapas mein ek dusre se interact karna bhi start karenge aur unki speaking skills bhi behtar hongi.
What’s Behind a Picture- Iss game mein students ko ek picture dikhaye aur unse uss picture ko dekhkar kya thoughts aare hain, usai share karne ko kahein. Iss activity ko aap reading and writing dono skills ko enhance karne ke liye kar sakte hain.
Introduce Yourself- ye activity aap class mein short breaks ke dauran aap iss activity ko kar sakte hain, jahan aap alag alag students ko unhe introduce karne ke liye keh sakte hain.
Expand the Sentence- Iss activity mein aap students ko ek phrase de sakte hain, aur unse uss sentence ko expand karne ke liye keh sakte hain. Ye activity students ke creative mindset ko enhance karne mein help karega.

Conclusion

Iss article mein humne vo saare points cover karein hain jinki help se beginners ko english sikhayi jaa sakti hai. Lekin agar aap beginner hai aur english aise kisi insaan se seekha chahte hain jo apke learning experience ko aur bhi interesting aur fun banana chahte hain, toh join karein Awal sir ka spoken English course.

July 21, 2023