Hume contact karne se pehle, ek baar neechey diye questions ko padh lo. Shayad aapka sawaal bhi inhi me se ho.

Course ki fee monthly deni hai ya ek baar hi?

Fee ek baar hi deni hai. Yeh one-time fee hai.

Course ke lessons kaha dekhne hai?

Agar aapke paas Android phone hai to course payment karne ke baad aapko Entri App ka link SMS se mil jayega, jaha se aap lessons dekh sakte hai. Agar aapke paas iPhone hai to aap payment karne ke baad https://webapp.entri.app/user/login se yeh course access kar sakte ho.

Class ka time kya hai?

Saare lessons pehle se hi Entri App me hai. Aap inhe kabhi bhi aur kitni baar bhi dekh sakte ho. Agar aapne Live Classes wala course join kiya hai to uske liye Zoom pe online live classes hongi, jiski details payment ke baad 24 hours me aapko

Awal sir ki jo videos YouTube aur Facebook par hai, kya is course me same videos hai?

No. Is course ke lessons alag hai aur inhe khaas tarike se step by step sikhaane ke liye banaaya gaya hai. Course me lessons ke saath quiz, notes, certificate, etc bhi sirf isi course me hi milenge.

Kya lessons ko download kar sakte hai?

Aap lessons ko app ke andar download kar ke offline dekh sakte ho, par app se bahar nahi.

Jo bilkul bhi English nahi jaante, unhe yeh course samajh aa jayega?

Haan, is course me maine un logo ka bhi khayaal rakha hai jo bilkul English nahi jaante. Pehle 2-3 lesson me maine English ki chhoti chhoti baate bohot hi aasan tarike ke samjhaayi hai, jisse aapki shuruwat mazboot hogi aur aage advanced level ki baato ko samajhna aasan ho jayega.

Jiski English reading aur writing achhi ho, par bolne me fluency na ho, uske liye yeh course helpful hoga?

Yes. Is course ko English speaking ke liye banaaya gaya hai. Shuru se le kar advanced level tak focus aapki speaking skills pe rakha gaya hai. Course me jo practice group hai, uska bhi yahi purpose hai ki aap doosre students ke saath audio messages me conversation kar sako.

Jise Hindi padhni nahi aati, kya woh yeh course join kar sakta hai?

Yes. Is course ke lessons me maine simple Hindi me explain kiya hai, jaise aapko meri Youtube / Facebook videos samajh aa jati hain, usi tarah yeh course bhi samajh aa jayega. Mobile app ki screens pe jaha Hindi likhi hui hai, usey aap settings se English me change kar sakte ho.

Kya India se bahar rehne wale is course ko join kar sakte hai?

Yes, aap duniya me kahi se bhi yeh course join kar sakte ho.

Kya agla lesson locked rehta hai jab tak pichhla lesson na dekh lo?

Nahi, saare hi lessons available hai, par meri aapko advice hai ki aap ek din me ek lesson hi dekho. Is se aapko lesson me bataye gaye task ko karne ka time bhi milta rahega.

Course join karne ke baad, kya ek ID se 2 phones pe course dekha ja sakta hai?

Nahi, ek ID se ek phone par hi course dekha ja sakta hai.

Kya practice group WhatsApp par hai?

WhatsApp pe 250 se zada log ek group me nahi join kar sakte, isliye humne practice group WhatsApp ki jagah, Entri app me hi banaya hai. WhatsApp pe doosre users aapka phone number dekh sakte hain, par Entri app me aisa nahi hota, so yeh zada safe hai. Aapko Entri app ke "Group" section se practice group join kar sakte ho.

Course ki fee pe koi discount mil sakta hai?

Jo price page pe likha hua hai, wo offer price hi hai, uske upar kuch aur discount nahi mil payega. Maine is course ka price bohot soch samajh kar rakha hai. Aapko is course se jo milne wala hai, uske aage koi bhi keemat chhoti hai.

Course ki payment kar di hai, ab kya karna hai?

Aapki payment milte hi, aapka account activate ho jata hai, yani ab aap course shuru kar sakte ho. Meri app ka login link aapko SMS me bhi aa gaya hoga. App download karke, usme usi number se login karo, jo aapne payment karte hue diya hoga.

Agar course istemal karne me kuch mushkil aaye, tab kise contact kare?

Aapki payment ke baad aapko jo SMS aata hai, usme ek phone number bhi hai jis pe aap WhatsApp message kar sakte ho. Waise to meri team jaldi hi reply karne ki poori koshish karti hai, par agar thoda time lag raha ho, to aap kuch der wait karo. Agar 24 ghante me bhi reply na aaye, to is page ke neechey diye "Send Message" button se meri team ko contact karo.

Yeh course free kyu nahi rakha?

Kaash TV pe dikhaye jane wale cricket match ki tarah, badi badi companiya yeh course sponsor kar deti aur aapke liye yeh course free ho jata. Par aaj kal cricket match me advertisement zada hote hai aur afsos ki aapko kamyaab banane wale course ko sponsor karne wale nahi milte. Is se pata chalta hai ki aapko apni success ka raasta khud ki banaana hoga, us par paise khud lagaane honge, kisi aur ki help lene ki wait karte karte zindagi beet jayegi, aur hum us intezaar me nahi ruk sakte. Aapko kaamyab banana mera maqsad hai, par ek course banane me bohot se kharchey hote hai jaise ki mobile app ki technology aur maintenance, poori team ka expense jo aapki practice me help karti hai. So mujhe is course ko bana kar iska ek price rakhna pada.

Agar aapke question ka answer upar mil gaya hai aur aap course join karna chahte ho, to neechey "Buy Now" button pe click karo: